आपण सोशल मीडियावरील फीड पाहतो, तेव्हा इतरांची प्रभावी कामगिरी, रोमांचक प्रवास आणि आयुष्यातील परिपूर्ण क्षणांचा न संपणारा ओघ समोर येतो. अशा वेळी त्यांच्या तुलनेत आपले आयुष्य काहीसे फिके वाटू शकते.
सतत तुलना केल्यामुळे असमाधान निर्माण होऊ शकते आणि आपल्या आसपासचे सगळे जण आपल्यापेक्षा खूप चांगले आयुष्य जगतात, ही भावना आणखी तीव्र होऊ शकते. या लेखात अशा भावनांना कसे सामोरे जावे हे पाहू. येथे दिलेले व्यावहारिक सल्ले आणि उपाय तुम्हाला तुमचा दृष्टिकोन नव्याने समजून घेण्यास आणि तुमच्या आयुष्यातील अनोख्या प्रवासाचे मोल जाणण्यास मदत करतील.
तुमच्या आसपासचे सगळे जण तुमच्यापेक्षा चांगले जगतात, असा विचार करणे कसे थांबवावे?
या समस्येचे मूळ शोधण्यापासून सुरुवात केली, तर ती सोडवता येऊ शकते. अशा भावना निर्माण होण्याची मुख्य कारणे खाली दिली आहेत. यांपैकी एखादे कारण तुम्हाला आयुष्याचा आनंद घेण्यापासून रोखत असेल.
समस्या: तुमची प्रगती थांबली आहे आणि आयुष्य साचले आहे. प्रत्येक नवा दिवस आधीच्या दिवसासारखाच वाटतो.
उपाय: तुमच्या आयुष्याकडे वेगळ्या दृष्टिकोनातून पाहा आणि तुम्हाला नेमके कशाबद्दल असमाधान आहे ते ओळखा. त्यानंतर, प्रगती करता येतील अशी क्षेत्रे शोधा आणि त्यांवर सक्रियपणे काम सुरू करा.
समस्या: तुम्हाला सामाजिक साचेबद्ध समजुतींचा दबाव जाणवतो. विशेषतः सोशल मीडियावर ओळखीच्या लोकांच्या आयुष्यातील महत्त्वाचे प्रसंग दिसतात, उदाहरणार्थ, शाळेतील मित्रमैत्रिणींचे नवजात बाळासोबतचे फोटो. यामुळे तुम्ही तुमच्या प्राधान्यांचा पुन्हा विचार करू शकता आणि लग्न व पालकत्व यांसारख्या आयुष्यातील बाबींबद्दल विचार करू लागता, जरी यापूर्वी तुम्ही त्यांना फारसे महत्त्व दिले नसेल.
उपाय: आत्मसन्मान वाढवण्यावर काम करा, कारण अनेकदा समस्येचे मूळ त्यातच असते.
समस्या: आत्ताच कृती करणे चांगले आहे हे लक्षात न घेता तुम्ही कामे पुढे ढकलता.
उपाय: छोट्या गोष्टींपासून सुरुवात करा, उदाहरणार्थ, थोडा वेळ व्यायाम करा किंवा उपयुक्त लेख वाचा. लवकरच तुम्हाला जाणवेल की तुम्ही हवे असलेले उद्दिष्ट सहज साध्य केले आहे, उदाहरणार्थ, वाढलेले वजन कमी केले आहे.
तुमच्याकडे जे आहे त्याबद्दल कृतज्ञ राहा!
आयुष्यभर आपण अपरिहार्यपणे स्वतःची तुलना यशस्वी लोकांशी आणि कमी यश मिळवलेल्या लोकांशीही करत राहतो. पहिल्या गटाचा आपल्याला हेवा वाटतो, तर दुसऱ्या गटाकडे पाहून आपण स्वतःचे समाधान करून घेतो. पण यामुळे खरे समाधान मिळत नाही. त्याऐवजी, भूतकाळातील आणि वर्तमानातील स्वतःशी तुलना करणे कितीतरी अधिक उपयुक्त ठरते. त्यामुळे तुम्ही तुमची कामगिरी लक्षात घेऊ शकता, चुका समजून घेऊ शकता आणि वागण्यात आवश्यक बदल करू शकता. सर्वांत महत्त्वाचे म्हणजे, तुमच्याकडे आधीपासून जे आहे त्याचे मोल जाणा आणि त्याबद्दल मनापासून कृतज्ञ राहा. तुमचा आंतरिक आधार मजबूत करण्यासाठी ‘आत्मविश्वासाची पातळी’ ही चाचणी घ्या.
