ਇਨਸਾਨ ਦੀ ਮਨੋਵਿਗਿਆਨਕ ਉਮਰ ਕੀ ਹੁੰਦੀ ਹੈ?

ਕੀ ਤੁਸੀਂ ਅਜਿਹੇ ਲੋਕਾਂ ਨੂੰ ਮਿਲੇ ਹੋ ਜਿਨ੍ਹਾਂ ਨੇ ਬੁਢਾਪੇ ਤੱਕ ਜਵਾਨੀ ਵਾਲੀ ਊਰਜਾ ਅਤੇ ਜੋਸ਼ ਕਾਇਮ ਰੱਖਿਆ ਹੋਵੇ, ਜਾਂ ਕਿਸੇ ਅਜਿਹੇ ਨੌਜਵਾਨ ਨੂੰ ਜੋ ਆਪਣੀ ਉਮਰ ਤੋਂ ਕਿਤੇ ਵੱਧ ਗੰਭੀਰ ਅਤੇ ਜ਼ਿੰਮੇਵਾਰ ਹੋਵੇ? ਆਖ਼ਰ ਅਜਿਹਾ ਕਿਉਂ ਹੁੰਦਾ ਹੈ ਕਿ ਕੋਈ ਇਨਸਾਨ ਆਪਣੀ ਉਮਰ ਤੋਂ ਵੱਖਰੇ ਢੰਗ ਨਾਲ ਵਿਹਾਰ ਕਰਦਾ ਹੈ ਅਤੇ ਮਹਿਸੂਸ ਕਰਦਾ ਹੈ?

ਅਸਲ ਵਿੱਚ ਸਾਲਾਂ ਦੇ ਹਿਸਾਬ ਨਾਲ ਉਮਰ ਓਨੀ ਅਹਿਮ ਨਹੀਂ ਹੁੰਦੀ ਜਿੰਨੀ ਮਨੋਵਿਗਿਆਨਕ ਉਮਰ। ਮਨੋਵਿਗਿਆਨਕ ਉਮਰ ਆਪਣੇ ਬਾਰੇ ਅੰਦਰੂਨੀ ਅਹਿਸਾਸ ਅਤੇ ਜ਼ਿੰਦਗੀ ਪ੍ਰਤੀ ਰਵੱਈਏ ਦੀ ਉਹ ਅਵਸਥਾ ਹੈ ਜੋ ਇਨਸਾਨ ਦੇ ਵਿਹਾਰ ਅਤੇ ਜ਼ਿੰਦਗੀ ਦੇ ਫ਼ੈਸਲਿਆਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਇਹ ਹਮੇਸ਼ਾ ਅਸਲ ਉਮਰ ਨਾਲ ਮੇਲ ਨਹੀਂ ਖਾਂਦੀ ਅਤੇ ਸਮੇਂ ਦੇ ਨਾਲ ਕਿਸੇ ਵੀ ਪਾਸੇ ਬਦਲ ਸਕਦੀ ਹੈ, ਚਾਹੇ ਜਵਾਨੀ ਵੱਲ ਜਾਂ ਪਰਿਪੱਕਤਾ ਵੱਲ। ਇਸੇ ਕਾਰਨ ਇੱਕ ਬਜ਼ੁਰਗ ਕਿਸ਼ੋਰ ਵਾਂਗ ਵਿਹਾਰ ਕਰ ਸਕਦਾ ਹੈ ਅਤੇ ਇੱਕ ਨੌਜਵਾਨ ਤਜਰਬੇਕਾਰ ਅਤੇ ਪਰਿਪੱਕ ਮਰਦ ਵਾਂਗ।

ਮਨੋਵਿਗਿਆਨਕ ਉਮਰ ਸਿਰਫ਼ ਇੱਕ ਹੋਰ ਵਿਸ਼ੇਸ਼ਤਾ ਨਹੀਂ ਹੈ। ਆਪਣੀ ਮਨੋਵਿਗਿਆਨਕ ਉਮਰ ਜਾਣਨਾ ਜ਼ਰੂਰੀ ਹੈ, ਕਿਉਂਕਿ ਇਹ ਸਾਡੀਆਂ ਦਿਲਚਸਪੀਆਂ ਅਤੇ ਸ਼ੌਕ ਤੈਅ ਕਰਦੀ ਹੈ, ਟੀਚੇ ਮਿੱਥਣ ਅਤੇ ਇੱਥੋਂ ਤੱਕ ਕਿ ਜੀਵਨ-ਸ਼ੈਲੀ ਨੂੰ ਵੀ ਪ੍ਰਭਾਵਿਤ ਕਰਦੀ ਹੈ।

ਐੱਸ. ਸਤੇਪਾਨੋਵ ਦਾ ਮਨੋਵਿਗਿਆਨਕ ਉਮਰ ਟੈਸਟ

ਰੂਸੀ ਮਨੋਵਿਗਿਆਨੀ ਸਰਗੇਈ ਸਤੇਪਾਨੋਵ ਦੇ ਬਣਾਏ ਇੱਕ ਖ਼ਾਸ ਟੈਸਟ ਦੀ ਮਦਦ ਨਾਲ ਤੁਸੀਂ ਬਿਨਾਂ ਕਿਸੇ ਖ਼ਾਸ ਮੁਸ਼ਕਲ ਦੇ ਆਪਣੀ ਮਨੋਵਿਗਿਆਨਕ ਉਮਰ ਜਾਣ ਸਕਦੇ ਹੋ। ਇਹ ਸਮਝਣ ਵਿੱਚ ਮਦਦ ਕਰੇਗਾ ਕਿ ਤੁਸੀਂ ਅੰਦਰੋਂ ਆਪਣੇ ਆਪ ਨੂੰ ਕੀ ਮਹਿਸੂਸ ਕਰਦੇ ਹੋ: ਰੋਮਾਂਚ ਲਈ ਉਤਾਵਲਾ ਕਿਸ਼ੋਰ ਜਾਂ ਇੱਕ ਪਰਿਪੱਕ ਅਤੇ ਜ਼ਿੰਦਗੀ ਵਿੱਚ ਆਪਣੀ ਥਾਂ ਬਣਾ ਚੁੱਕਾ ਇਨਸਾਨ।

ਟੈਸਟ ਦੇ ਲੇਖਕ ਦੀ ਜੀਵਨੀ

ਸਰਗੇਈ ਸਰਗੇਯੇਵਿਚ ਸਤੇਪਾਨੋਵ ਇੱਕ ਪ੍ਰਸਿੱਧ ਰੂਸੀ ਮਨੋਵਿਗਿਆਨੀ, ਲੇਖਕ ਅਤੇ ਮਾਸਕੋ ਸਿਟੀ ਯੂਨੀਵਰਸਿਟੀ ਆਫ਼ ਸਾਈਕਾਲੋਜੀ ਐਂਡ ਐਜੂਕੇਸ਼ਨ ਵਿੱਚ ਐਸੋਸੀਏਟ ਪ੍ਰੋਫ਼ੈਸਰ ਹਨ। ਉਨ੍ਹਾਂ ਨੇ ਮਨੋਵਿਗਿਆਨਕ ਉਮਰ ਪਤਾ ਕਰਨ ਵਾਲਾ ਟੈਸਟ ਬਣਾਇਆ ਹੈ।

ਉਨ੍ਹਾਂ ਨੇ ਰੂਸ ਦੀ ਮਾਸਕੋ ਸਟੇਟ ਯੂਨੀਵਰਸਿਟੀ (ਐੱਮਜੀਯੂ) ਦੇ ਮਨੋਵਿਗਿਆਨ ਫ਼ੈਕਲਟੀ ਵਿੱਚ ਦਾਖ਼ਲਾ ਲਿਆ ਅਤੇ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉੱਥੇ ਹੀ ਮਨੋਵਿਗਿਆਨੀ ਵਜੋਂ ਆਪਣਾ ਕਰੀਅਰ ਸ਼ੁਰੂ ਕੀਤਾ। 1984 ਤੋਂ 1997 ਤੱਕ ਉਨ੍ਹਾਂ ਨੇ ਪ੍ਰਕਾਸ਼ਨ ਸੰਸਥਾ “ਬੋਲਸ਼ਾਇਆ ਰੋਸੀਸਕਾਇਆ ਐਨਤਸੀਕਲੋਪੀਦੀਆ” (ਮਹਾਨ ਰੂਸੀ ਵਿਸ਼ਵਕੋਸ਼, ਰੂਸ ਦਾ ਮੁੱਖ ਸਰਬ-ਵਿਸ਼ਾ ਵਿਸ਼ਵਕੋਸ਼) ਵਿੱਚ ਵਿਗਿਆਨਕ ਸੰਪਾਦਕ ਵਜੋਂ ਕੰਮ ਕੀਤਾ ਅਤੇ ਮਨੋਵਿਗਿਆਨ ਦੇ ਵੱਖ-ਵੱਖ ਖੇਤਰਾਂ ਬਾਰੇ ਕਈ ਲੇਖ ਲਿਖੇ ਹਨ। ਉਨ੍ਹਾਂ ਨੇ ਏ. ਮਾਸਲੋ, ਸੀ. ਰੌਜਰਜ਼, ਐੱਚ. ਜੇ. ਆਈਜ਼ੈਂਕ, ਪੀ. ਏਕਮੈਨ ਅਤੇ ਪੀ. ਜ਼ਿੰਬਾਰਡੋ ਵਰਗੇ ਪ੍ਰਸਿੱਧ ਮਨੋਵਿਗਿਆਨੀਆਂ ਦੀਆਂ ਕਿਤਾਬਾਂ ਦਾ ਰੂਸੀ ਵਿੱਚ ਅਨੁਵਾਦ ਕਰਨ ਵਿੱਚ ਵੀ ਸਰਗਰਮ ਭੂਮਿਕਾ ਨਿਭਾਈ।

2012 ਤੱਕ ਉਨ੍ਹਾਂ ਦੀਆਂ 30 ਤੋਂ ਵੱਧ ਕਿਤਾਬਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਸਨ। ਇਨ੍ਹਾਂ ਵਿੱਚ “ਮਨੋਵਿਗਿਆਨਕ ਟੈਸਟ” (2002) ਵੀ ਸ਼ਾਮਲ ਸੀ, ਜਿਸ ਵਿੱਚ ਮਨੋਵਿਗਿਆਨਕ ਉਮਰ ਵਾਲਾ ਟੈਸਟ ਪ੍ਰਕਾਸ਼ਿਤ ਹੋਇਆ ਸੀ।

ਮਨੋਵਿਗਿਆਨਕ ਉਮਰ ਟੈਸਟ ਕੌਣ ਦੇ ਸਕਦਾ ਹੈ?

ਕਿਸੇ ਵੀ ਉਮਰ ਅਤੇ ਲਿੰਗ ਦੇ ਲੋਕ ਇਹ ਟੈਸਟ ਦੇ ਸਕਦੇ ਹਨ। ਇਹ ਦੁਨੀਆ ਬਾਰੇ ਆਪਣੇ ਨਜ਼ਰੀਏ ਨੂੰ ਬਿਹਤਰ ਸਮਝਣ ਅਤੇ ਇਹ ਤੈਅ ਕਰਨ ਵਿੱਚ ਤੁਹਾਡੀ ਮਦਦ ਕਰੇਗਾ ਕਿ ਜ਼ਿੰਦਗੀ ਅਤੇ ਉਸ ਪ੍ਰਤੀ ਆਪਣੇ ਰਵੱਈਏ ਵਿੱਚ ਕੀ ਬਦਲਣਾ ਹੈ, ਤਾਂ ਜੋ ਤੁਸੀਂ ਹਲਕਾ ਅਤੇ ਆਜ਼ਾਦ ਮਹਿਸੂਸ ਕਰੋ।

ਟੈਸਟ ਦੇਣ ਲਈ ਹਦਾਇਤਾਂ

ਸਾਡੇ ਬਣਾਏ ਮਨੋਵਿਗਿਆਨਕ ਉਮਰ ਪਤਾ ਕਰਨ ਵਾਲੇ ਟੈਸਟ ਵਿੱਚ 27 ਕਥਨ ਹਨ। ਇਹ ਬਹੁਤ ਸਟੀਕ ਹੈ ਅਤੇ ਮਨੋਵਿਗਿਆਨਕ ਉਮਰ ਤੋਂ ਇਲਾਵਾ ਇਸ ਨੂੰ ਬਣਾਉਣ ਵਾਲੇ ਹੇਠਲੇ ਉਪ-ਪੈਮਾਨਿਆਂ ਦੇ ਪੱਧਰ ਵੀ ਦੱਸ ਸਕਦਾ ਹੈ:

• ਸਕਾਰਾਤਮਕਤਾ;
• ਲਗਨ;
• ਨਵੇਂ ਤਜਰਬਿਆਂ ਪ੍ਰਤੀ ਖੁੱਲ੍ਹਾਪਣ।

ਇਸ ਲਈ ਇਹ ਆਪਣੀ ਕਿਸਮ ਦਾ ਅਨੋਖਾ ਟੈਸਟ ਹੈ ਅਤੇ ਇਸ ਵਰਗਾ ਹੋਰ ਕੋਈ ਟੈਸਟ ਨਹੀਂ ਹੈ। ਟੈਸਟ ਦੇਣ ਵਿੱਚ ਜ਼ਿਆਦਾ ਸਮਾਂ ਨਹੀਂ ਲੱਗੇਗਾ ਅਤੇ ਸਾਡੀ ਵੈੱਬਸਾਈਟ ਉੱਤੇ ਤੁਸੀਂ ਇਸ ਨੂੰ ਸੁਵਿਧਾਜਨਕ ਢੰਗ ਨਾਲ ਦੇ ਸਕੋਗੇ।

ਟੈਸਟ ਦੇ ਸਵਾਲਾਂ ਦੇ ਜਵਾਬ ਦਿੰਦੇ ਸਮੇਂ:

1. ਜਵਾਬ ਚੁਣਨ ਤੋਂ ਨਾ ਘਬਰਾਓ। ਸਵਾਲਾਂ ਵਿੱਚ ਕੁਝ ਵੀ ਔਖਾ ਨਹੀਂ ਹੈ ਅਤੇ ਤੁਸੀਂ ਜ਼ਰੂਰ ਇਨ੍ਹਾਂ ਦੇ ਜਵਾਬ ਦੇ ਸਕੋਗੇ।
2. ਆਪਣੇ ਆਪ ਨਾਲ ਇਮਾਨਦਾਰ ਰਹੋ। ਸਹੀ ਜਵਾਬ ਦੇਣ ਦੀ ਕੋਸ਼ਿਸ਼ ਨਾ ਕਰੋ, ਸਗੋਂ ਉਹ ਜਵਾਬ ਦਿਓ ਜੋ ਤੁਹਾਨੂੰ ਆਪਣੇ ਲਈ ਢੁਕਵਾਂ ਲੱਗਦਾ ਹੈ। ਇਸ ਤਰ੍ਹਾਂ ਤੁਹਾਨੂੰ ਸੱਚਾ ਨਤੀਜਾ ਮਿਲੇਗਾ।
3. ਜੇ ਉਮਰ ਵਾਲੇ ਟੈਸਟ ਦੇ ਨਤੀਜੇ ਤੁਹਾਡੀ ਉਮੀਦ ਮੁਤਾਬਕ ਨਹੀਂ ਆਉਂਦੇ ਤਾਂ ਨਿਰਾਸ਼ ਨਾ ਹੋਵੋ। ਤੁਸੀਂ ਬਾਅਦ ਵਿੱਚ ਦੁਬਾਰਾ ਇਹ ਟੈਸਟ ਦੇ ਕੇ ਦੇਖ ਸਕਦੇ ਹੋ।

ਟੈਸਟ ਦੇ ਨਤੀਜੇ

ਟੈਸਟ ਦੇ ਨਤੀਜਿਆਂ ਵਿੱਚ ਤੁਹਾਨੂੰ ਸਿਰਫ਼ ਅੰਕਾਂ ਵਿੱਚ ਆਪਣੀ ਮਨੋਵਿਗਿਆਨਕ ਉਮਰ ਅਤੇ ਆਪਣੀ ਸ਼੍ਰੇਣੀ ਹੀ ਨਹੀਂ ਦਿਸੇਗੀ, ਸਗੋਂ ਇਸ ਦੇ ਹਿੱਸਿਆਂ ਦੇ ਅੰਕ ਵੀ ਮਿਲਣਗੇ: ਲਗਨ, ਸਕਾਰਾਤਮਕਤਾ, “ਨਵੇਂ ਤਜਰਬਿਆਂ ਪ੍ਰਤੀ ਖੁੱਲ੍ਹਾਪਣ”। ਇਨ੍ਹਾਂ ਸਾਰਿਆਂ ਦੀ ਭਰੋਸੇਯੋਗਤਾ ਅਤੇ ਵੈਧਤਾ ਪਰਖੀ ਗਈ ਹੈ ਅਤੇ ਇਨ੍ਹਾਂ ਦੇ ਮਾਪਦੰਡ ਚੰਗੇ ਹਨ।

ਟੈਸਟ ਦੇ ਨਤੀਜਿਆਂ ਦੇ ਆਧਾਰ ਉੱਤੇ ਤੁਹਾਨੂੰ ਇਹ ਸੁਝਾਅ ਵੀ ਮਿਲ ਸਕਣਗੇ ਕਿ ਆਪਣੀ ਮਨੋਵਿਗਿਆਨਕ ਉਮਰ, ਇਸ ਦੇ ਫ਼ਾਇਦਿਆਂ ਅਤੇ ਕਮੀਆਂ ਨੂੰ ਬਿਹਤਰ ਸਮਝਣ ਲਈ ਕਿਹੜੀਆਂ ਕਿਤਾਬਾਂ ਪੜ੍ਹੀਆਂ ਜਾਣ।

ਸਾਡੀ ਵੈੱਬਸਾਈਟ ਉੱਤੇ ਖਾਤਾ ਬਣਾਓ ਅਤੇ ਟੈਸਟ ਦਿਓ

ਤੁਸੀਂ ਸਾਡੀ ਵੈੱਬਸਾਈਟ ਉੱਤੇ ਮਨੋਵਿਗਿਆਨਕ ਉਮਰ ਪਤਾ ਕਰਨ ਵਾਲਾ ਟੈਸਟ ਆਸਾਨੀ ਨਾਲ ਦੇ ਸਕਦੇ ਹੋ। ਜਲਦੀ ਖਾਤਾ ਬਣਾਉਣ ਤੋਂ ਬਾਅਦ ਤੁਸੀਂ ਆਪਣੇ ਨਤੀਜੇ ਆਪਣੀ ਪ੍ਰੋਫ਼ਾਈਲ ਵਿੱਚ ਸੰਭਾਲ ਸਕੋਗੇ ਅਤੇ ਭਵਿੱਖ ਵਿੱਚ ਦੁਬਾਰਾ ਟੈਸਟ ਦੇਣ ਦਾ ਫ਼ੈਸਲਾ ਕਰਨ ਉੱਤੇ ਉਨ੍ਹਾਂ ਦੀ ਤੁਲਨਾ ਕਰ ਸਕੋਗੇ। ਤੁਸੀਂ ਸੋਸ਼ਲ ਮੀਡੀਆ ਉੱਤੇ ਆਪਣੇ ਦੋਸਤਾਂ ਨਾਲ ਨਤੀਜੇ ਸਾਂਝੇ ਵੀ ਕਰ ਸਕਦੇ ਹੋ।